Motabang ang militar sa Sweden sa pagmonitor ug pagpanalipod sa teritoryo sa Finland gamit ang Gripen fighter jets ug corvette warship hangtod sa kataposan sa 2026.
Matud sa Finnish Defence Forces, makatabang ang mga kagamitan sa Sweden sa pagpalig-on sa air surveillance, aron mapahimuslan sa Finland ang kaugalingong pwersa alang sa pagresponde sa posibleng paglapas o insidente sa ilang teritoryo.
Gipahayag ni Swedish Defence Minister Pal Jonson nga mitubag ang Sweden sa hangyo sa Finland nga palig-onon ang ilang air defense tungod sa nagkagrabeng sitwasyon sa seguridad.
Mahimo usab, kon gikinahanglan, nga motabang ang Swedish armed forces sa pagpugong sa mga paglapas sa teritoryo sa Finland. Kahibaluan ang Sweden ug Finland mao ang duha sa pinakabag-ong miyembro sa NATO ug dugay nang adunay bilateral defense cooperation.
Nadugangan usab ang kabalaka sa seguridad sa amihanang utlanan sa NATO tungod sa mga military drone nga nakasulod sa airspace sa Finland ug uban pang silingang nasud, ilabi na taliwala sa nagpadayong gubat sa Ukraine ug Russia.
Photo Courtesy: UTU- Turun yliopisto
