Nagbalik-loob ang isa ka anay Vice Commander sang Communist Terrorist Group ukon CTG kag 15 pa ka anay miyembro sa gobyerno sa duha ka seremonya sa Palimbang kag Kalamansig, Sultan Kudarat, Agosto 29. 2026.
Ang 16 ka nagbalik-loob tanan miyembro sang Manobo Dulangan Indigenous Peoples Tribe. Napulo ang ginpresentar sa Municipal Hall sang Palimbang sang aga, samtang anom naman ang ginpresentar sa Kalamansig sang hapon.
Ginpangunahan ang aktibidad sang 603rd Infantry “Persuader” Brigade, pinaagi sa 37th Infantry “Conqueror” Battalion, sa koordinasyon sang lokal nga panguluhan, OPAPRU kag PNP.
Kabahin sang seremonya ang ila Oath of Allegiance sa gobyerno kag pormal nga pagbaton sa ila sang mga opisyal.
Suno sa LGU kag OPAPRU, suportahan ang mga nagbalik-loob pinaagi sa livelihood, edukasyon kag skills development agod mabuligan sila sa malinong nga pagbalik kag pag-integrate sa komunidad.
