Ipatuman og alternative arrangements sa trabaho ug klase ang 15 ka probinsya karong adlawa , Septiyembre 1, tungod sa epekto sa Southwest Monsoon o Habagat nga nagdala og dili maayo nga kahimtang sa panahon sa pipila ka lugar.
Lakip sa mga probinsyang sakop sa maong direktiba ang Ilocos Norte, Ilocos Sur, La Union, Pangasinan, Abra, Benguet, Kalinga, Mountain Province, Apayao, Batanes, Nueva Vizcaya, Zambales, Tarlac, Pampanga, ug Bataan.
Ang maong lakang gibase sa Memorandum Circular No. 133 nga gipirmahan ni Acting Executive Secretary Ralph Recto ug gipagawas pinaagi sa Presidential Communications Office.
Tumong sa alternative work ug class arrangements ang paghatag og kahupayan ug kaluwasan sa mga empleyado ug estudyante samtang nagpadayon ang epekto sa Habagat.
Samtang niini, gikinahanglan nga magpadayon sa operasyon ang mga ahensya sa gobyerno nga nagdumala sa basic services, health services, disaster preparedness and response, ug uban pang importanteng serbisyo nga gikinahanglan sa publiko.
Photo Courtesy: pco.gov.ph
