Nakigdula ang mga miyembro sa SB19 ug mga housemates sa Pinoy Big Brother Celebrity Collab Edition uban sa NBA legends nga sila Tony Parker ug Jason Kidd atol sa Celebrity Showcase sa NBA House Philippines nga gipahigayon sa SPACE at One Ayala sa Makati City niadtong nakalabay nga adlaw.
Gibahin ang mga celebrity participants sa duha ka team. Sa Team Tony Parker, nakigdula nila ang SB19 members nga sila Josh, Ken ug Justin, samtang sila Stell ug Pablo sa SB19 napabilang sa Team Jason Kidd.
Sa maong exhibition game, gipakita sa mga celebrity ang ilang basketball skills atubangan sa mga fans nga mitambong sa NBA House Philippines.
Nakuha sa Team Tony Parker ang kadaugan batok sa Team Jason Kidd pinaagi sa iskor nga 97-76.
Gawas sa basketball showcase, mipakita usab ang SB19 sa entablado alang sa musical performances. Ang NBA House Philippines nagdala sa mga basketball activities, games ug clinics alang sa mga fans ug mga batan-on, uban sa presensya sa mga NBA legends nga sila Tony Parker, Jason Kidd ug Lauren Jackson.
Photo Courtesy: Paige Javier, ABS-CBN news
