Nagpagawas og pahayag ang Philippine Amusement and Gaming Corporation (PAGCOR) kalabot sa mga kabalaka nga gipadangat sa mga netizen nga ang duha ka mga entry sa ilang 2026 Photography Contest daw nagpakita og mga timailhan nga hinimo kini gamit ang artificial intelligence (AI).
Duha ka entry usa gikan sa matag kategoriya ang nakadawat og grabeng pagsaway: ang “Where Dreams Take Flight” (gikan sa Daanbantayan, Cebu) sa drone category, ug ang “Kadang-kadang” (gikan sa Tagum City, Davao del Norte) sa mobile category.
Sa usa ka post sa Facebook niadtong Domingo, Agosto 30, gipahibalo sa PAGCOR nga magpahigayon kini og hugot nga pagrepaso aron matubag ang maong isyu. Una nang gidawat sa PAGCOR ang mga entry alang sa kompetisyon gikan sa Pebrero 1 hangtod sa Hunyo 30.
Karong tuiga, ang tema sa kompetisyon nagpunting sa “Kids@Play,” nga nagsaulog sa diwa sa pagdula sa mga lungsuranon ug mga komunidad. Gipasalig sa PAGCOR ngadto sa publiko nga nagpabilin kining pasalig sa kaangayan, kredibilidad, ug transparency sa tibuok proseso sa kompetisyon hangtod sa pagpahibalo sa mga mananaog karong Septiyembre 15, 2026.
Photo Courtesy: igamingToday.com
