Gibalhin og bag-ong katungdanan ang 5 ka senior police officials sa pinakabag-ong reorganization sa Philippine National Police nga miepekto niadtong Agosto 29.
Si Brigadier General Rommel Batangan, kanhi Director sa Highway Patrol Group, maoy bag-ong Acting Director sa PNP Maritime Group, samtang si Brigadier General Joyce Patrick Sangalang maoy mopuli sa iyang pwesto sa HPG.
Sa training sector, si Brigadier General Francisco Ebreo maoy Acting Director sa Training Service, samtang si Brigadier General Roland Bulalacao maoy mopuli sa iyang pwesto sa PNP Academy.
Gibalhin usab si Colonel Renell Sabaldica isip Executive Officer sa Directorate for Comptrollership. Ang maong pagbag-o kabahin sa serye sa reassignment sa mga opisyal sa PNP ngadto sa nagkalain-laing police units ug regional offices.
Photo Courtesy: PNA
