Nalunod ang usa ka pasaherong ferry sa kadagatan sa Northern Cyprus niadtong Domingo, nga mikalas sa kinabuhi sa labing menos 7 ka tawo samtang 23 pa ang gipangita.
Gikan sa pantalan sa Kyrenia ang ferry ug padulong unta sa Tasucu, Turkey, dihang nabalit-ad kini mga 6.5 kilometros gikan sa baybayon. Sa 267 ka tawo nga sakay, 172 ang na-rescue, samtang kapin 160 ang gidala sa ospital.
Matod sa usa sa mga survivor, adunay nabatian nga pagbuto sa atubangang bahin sa ferry sa wala pa kini nabalit-ad, apan wala pa matino sa mga awtoridad ang hinungdan sa insidente.
Nagpadayon ang search and rescue operation uban sa mga barko gikan sa Northern Cyprus ug Turkey aron makit-an ang mga missing nga pasahero.
Photo Courtesy: Standard Newspaper
