Nadakpan sa hiniusang operasyon sa mga awtoridad ang Top 1 Most Wanted Person sa Provincial Level nga giatubang ang kasong murder sa Barangay Kimlawis, Kiblawan, Davao del Sur, Agosto 30. Sa maong operasyon, boluntaryo usab nga gitugyan ang 3 ka loose firearms, lakip ang usa ka improvised 5.56-millimeter rifle ug 2 ka improvised 12-gauge shotgun.
Nakaplagan ug gi-eradicate usab sa mga awtoridad ang 7 ka fully grown nga gidudahang marijuana plants nga adunay gibanabanang street value nga ₱1,400.
Gipahigayon ang operasyon sa Kiblawan Municipal Police Station kauban ang DSPPO, PDEA ug ubang police units ubos sa pagdumala ni Provincial Director PCOL Leo T. Ajero.
Gipasiugda sa kapulisan nga padayon nilang palig-onon ang kampanya batok sa wanted persons, loose firearms ug ilegal nga droga.
