Gipangulohan ni Ruben Gonzales ang Philippine national team nga moapil sa Pickleball World Cup sa Danang, Vietnam. Kauban sila Nik Isagan, Kelsey Laurente ug Fatima Amirul sa kompetisyon nga pagatambongan sa mga manuwaay gikan sa 70 ka nasod.
Matod ni Gonzales, dako nga dungog alang kaniya ang pagrepresentar sa Pilipinas sa pickleball, human sa dugay niyang pagdula alang sa national tennis team sukad 2010. Magpadala ang Pilipinas og 38 ka indibidwal nga makigsangka sa nagkalain-laing dibisyon, lakip ang Open, Under-18, Under-14, Kids ug Seniors.
Sumala ni Philippine Pickleball Federation President Shery Cu, tumong sa national team nga makahimo og impresyon ug makakuha og podium finish, bisan giila niyang lig-on nga mga kakompetensya ang Vietnam ug Estados Unidos.
Gisaad sa mga Filipino athletes nga buhaton nila ang tanan aron makadala og kadaugan ug medalya alang sa nasod.
Photo courtesy:Instagram
