Gipahibalo ang gobyerno sa Cambodia nga wala na’y scam compound sa nasod diin gipadagan ang dagkong online scam operations. Apan, nagpabiling adunay pipila ka independent groups nga dugay nang nagsubay sa maong cybercrime.
Sumala sa Cambodian government, gikan Hulyo 2025 hangtod Agosto 20, 2026, giimbestigahan ang 793 ka lugar nga gituohang scam hubs ug gisulong ang 624 niini. Dul-an 30,000 ka suspetsado gikan sa 39 ka nasod ang nadakpan.
Kapin 58,000 ka langyaw ang gi-rescue ug gipapahawa gikan sa Cambodia, samtang 3,477 ka criminal suspects gikan sa 29 ka nasyonalidad ang gi-detain.
Ang mga scam kasagarang naglakip sa romance ug cryptocurrency schemes nga nakasugsat og binilyong dolyar nga kapildihan sa mga biktima sa tibuok kalibotan.
Apan giingon sa anti-trafficking groups nga posible gihapon nga nagpadayon ang pipila ka operasyon. Matud sa United Nations, gibanabana nga niabot sa $88.3 bilyon hangtod $114.1 bilyon ang kinatibuk-ang kapildihan tungod sa online scams sa tibuok kalibotan niadtong 2025.
Photo courtesy:Al Jazeera
