Gimandoan ni Presidente Ferdinand Marcos Jr. ang National Commission of Senior Citizens (NCSC) nga paspasan ang pagpagawas sa ₱10,000 nga cash gift alang sa mga kwalipikadong senior citizen.
Kini human adunay walo ka mga senior citizen nga nag-edad tali sa 80 ug 85 anyos nga nagsumite og reklamo sa Anti-Red Tape Authority (ARTA) tungod sa kalangan sa pag-release sa ilang benepisyo.
Matud sa Palasyo, gusto sa presidente nga masulbad dayon ang isyu aron mahatag sa mga senior ang benepisyong gitagana kanila ubos sa Expanded Centenarians Act. Ubos sa Republic Act 11982, ang mga senior citizen nga moabot sa edad nga 80, 85, 90 ug 95 anyos makadawat og ₱10,000 cash gift kon moabot sa maong edad.
Samtang ang mga Pilipinong moabot sa 100 ka tuig makadawat og ₱100,000 ug congratulatory letter gikan sa presidente.
Photo Courtesy: PCO
