Posible nga magpulong sa Septiyembre ang Regional Oversight Committee sa Barangay Drug Clearing Program sa Zamboanga Peninsula aron ma-asess ug mamonitor ang implementasyon Barangay Drug Clearing Program tibuok rehiyon.
Matud ni Director III Ryan Babang, Regional Director sa Philippine Drug Enforcement Agency (PDEA) Region 9 sa unang kwarter nakapahigayon na sila ug ROC BDC meeting apan wala pay nadeklara nga drug cleared status sa tanang mga barangay nga nag-aplay.
Segun ni Director Babang, ang Regional Oversight Committee pangunahan niya mismo isip chairman uban sa DILG nga magsilbing vice chairman, uban ang PNP, DOH ug LGU representative nga maghimo ug deliberation sa tanang mga barangay nga nag-aplay sa drug clearing status.
Tumong niini nga masiguro nga padayon ug hapsay ang implementasyon sa Barangay Drug Clearing Program pinaagi sa koordinasyon sa mga LGUs, law enforcement agencies, ug ubang concerned agencies.
Gilauman nga pinaagi sa pag-convene pag-usab sa komite sa Septiyembre, mas mapalig-on pa ang monitoring ug pagpatuman sa mga programa batok sa illegal nga droga sa Zamboanga Peninsula Region.
Photo Courtesy: PDEA RO lX
