Nikunhod na ang ihap sa mga batang malnourished sa Zamboanga del Sur, apan kon ikumpara sa ubang mga probinsya sa Region 9, pinakataas gihapon ang natala nga ihap sa lalawigan.
Matud sa Junice Espinosa, Provincial Nutrition Program Coordinator, dili kini ikatingala tungod kay pinakataas usab og populasyon ang Zamboanga del Sur kumpara sa ubang probinsya sa rehiyon.
Segun ni Espinosa, bisan pa man sa pagkunhod sa ihap, padayon gihapon ang mga programa sa lokal nga panggamhanan ug mga health ug nutrition workers aron mas mapakunhod pa ang kaso sa malnutrisyon.
Lakip niini ang paghatag og nutritional support, pagmonitor sa kahimtang sa mga kabataan ug pag-edukar sa mga ginikanan bahin sa hustong nutrisyon.
Gipasiugda usab nga importante ang aktibong partisipasyon sa mga ginikanan sa pagsiguro nga sakto ug igo ang pagkaon sa mga bata, ilabina sa ilang unang mga tuig.
Photo Courtesy: Serious MD
