Sobra sa 14,000 ka Dabawenyo ang target nga makadawat og P2,000 nga pinansyal nga ayuda matag bulan ubos sa UPLIFT Program sa Department of Social Welfare and Development Field Office XI.
Sumala ni Berlita Saligan, Section Head sa Crisis Intervention Unit sa DSWD XI, ang programa usa ka whole-of-government approach nga naghatag og pinansyal nga suporta gikan Hulyo hangtod Disyembre 2026.
Gi-pre-identify ang mga kwalipikadong benepisyaryo base sa Community-Based Monitoring System o CBMS 2024 sa Philippine Statistics Authority. Sa pagkakaron, 5,218 na ka Dabawenyo ang nakadawat sa maong ayuda, samtang nagpadayon ang payout alang sa ubang kwalipikadong benepisyaryo.
Gilauman sa DSWD XI nga makompleto ang target nga 14,000 ka benepisyaryo sa Davao City sa pagpadayon sa implementasyon sa programa.
