Nakaangkon ug samad bun-og sa lawas ang angkas sa usa ka motorsiklo human sila mahit-and-run sa pic- up pasado alas 3:50 sa hapon niadtong nakalabay nga adlaw sa National Highway. Brgy. Matiao, Mati City, Davao Oriental.
Giila ang driver sa motorsiklo nga si alyas “Ramil” uban sa asawa niini nga si Carmelita Dyoko, kinsa naangol sa maong insidente ug pulos mga residente sa Lower Tagawisan, Brgy. Badas, Mati City.
Sumala sa report, ang motorsiklo gikan sa Mapantad, Brgy. Sainz ug padulong sa Brgy. Dahican, apan pag-abot sa lugar sa insidente kalit nga gibanggaan sa pick up ang maong motorsiklo hinungdan sa ilang pagkatumba. Human sa maong panghitabo, dali usab nga mikalagiw ang driver sa maong sakyanan sa wala matino nga direksyon.
Sa pagkakaron padayon pa ang ginahimong imbestigasyon sa mga otoridad aron mailhan ang driver sa maong sakyanan.
Photo Courtesy: Concern Citizen
