Usa ka makasubo nga panghitabo ang nasinatian ni Colleen Le, 24 anyos, sa dihang iyang gi-donar ang usa sa iyang kidney ngadto sa iyang uyab nga nag-antos og chronic kidney disease.
Nasayran nga kinahanglan sa lalaki ug kidney transplant aron maluwas ang iyang kinabuhi, ug tungod niini wala na magduha duha si Coleen sa pagdonar. Sa medical test, nakaplagan nga perfect match si Colleen isip donor ug naluwas ang kinabuhi sa iyang uyab human sa operasyon.
Apan sa paglabay sa pito ka bulan, giingong nagcheat ang lalaki apan bisan paman niini, bisan sakit alang kang Coleen iya kining gipasaylo. Samtang milabay na usab ang tulo ka bulan kalit siyang gibulagan sa iyang uyab pinaagi lamang sa usa ka tawag sa telepono ug giputol ang ilang komunikasyon.
Tungod niini, wala makapugong si Coleen sa pagtulo sa iyang mga luha gumikan sa sakit nga iyang nabati human sa paghatag niini sa tanan.
Kini nga istorya usa ka pahinumdom nga ang tinuod nga gugma dili lamang masukod sa mga sakripisyo nga atong gihimo alang sa usa ka tawo. Bisan pa man sa dakong butang nga iyang gihalad alang sa iyang uyab, wala kini garantiya nga magpabilin ang usa ka relasyon.
Importante nga sa paghigugma, dili nato kalimtan ang atong kaugalingon, dignidad, ug kaugmaon. Ang sakripisyo kinahanglan buhaton tungod sa tinuod nga kabubut-on ug dili aron mapugos ang usa ka tawo nga magpabilin.
Sa katapusan, ang usa ka relasyon kinahanglan adunay respeto, pagsalig, pagkamatinud-anon, ug patas nga paghatag ug pagdawat. Ang pagkawala sa usa ka relasyon sakit, apan dili kini makapakunhod sa bili sa tawo nga nahigugma ug nagsakripisyo.
Photo Courtesy: Relationship Goals
