Miabot sa 150 ka mga corgi gikan sa siyam ka nasod ang misalmot sa tinuig nga Corgi Race Vilnius, usa ka internasyonal nga kalihokan nga nagselebrar sa sikat nga breed sa iro.
Gawas sa lumba sa mga corgi, adunay usab lain-laing kompetisyon sama sa costume contest, “Smartest Nose” tracking competition, puzzle-solving contest, ug “Mightiest Voice” barking contest.
Apil sa mga nasod nga gipanggikanan sa mga corgi ug ilang mga tag-iya ang Latvia, Poland, Estonia, Germany, Ukraine, Czech Republic, United Kingdom ug United States.
Nagsugod ang Corgi Race Vilnius niadtong 2020 isip yano lamang nga friendly competition tali sa duha ka corgi ug ilang mga tag-iya. Apan tungod sa pagkapopular niini, mitubo ang kalihokan ug nahimong internasyonal nga event nga gitambongan sa mga dog owners gikan sa nagkalain-laing nasod.
Gikan sa gamay nga lumba sa duha ka corgi, nahimo kini karon nga dakong selebrasyon diin dili lamang ang kapaspas sa mga iro ang gisulayan, kondili apil usab ang ilang talento sa pagsul-ob og costume, pagsimhot, pagsulbad og puzzle ug pag-uwang
Photo Courtesy: CBC
