Gipailalom pag-usab sa red alert ang Visayas grid karong Miyerkules gikan alas-3 sa hapon hangtod alas-9 sa gabii tungod sa padayon nga kakulang sa suplay sa kuryente.
Sumala sa National Grid Corporation of the Philippines, posibleng makasinati og power interruptions ang mga panimalay ug negosyo sa rehiyon. Kahinomdoman, nga kini na ang ika-22 nga red alert sa Visayas sukad sa pagsugod sa tuig.
Alayon niini, gipailalom sa yellow alert ang grid gikan alas-2 hangtod alas-3 sa hapon ug alas-9 hangtod alas-10 sa gabii. Nagpasabot kini nga nipis ang power reserves ug mahimong mosangpot sa rotational brownouts kung dili igo ang suplay sa panginahanglan.
