Gipahimangnoan sa Davao Light and Power Company (DLPC) sa publiko nga kanunayng isipon nga adunay kuryente ug delikado ang mga natumbang o naputol nga linya sa kuryente aron malikayan ang posibleng pagkakuryente ug uban pang disgrasya.
Gipasabot nga dili angay gamiton ang mga butang sama sa kahoy, silhig o tubo aron ibalhin o hikapon ang mga kable, tungod kay ang maong mga materyales mahimong makapasa gihapon og kuryente ilabina kon basa kini.
Giawhag usab ang publiko nga likayan ang pagduol sa mga nagbitay nga kable ug mga poste sa kuryente nga naguba o natumba. Imbis nga sulayan pag-ayo o ibalhin ang mga kable, gitambagan ang katawhan nga mokontak dayon sa Davao Light aron mareport ang maong sitwasyon ug matubag kini sa awtorisadong mga personahe.
Gipasiugda sa kompanya nga ang pagmatngon ug pagsunod sa mga pahimangno sa kaluwasan importante aron malikayan ang mga aksidente nga mahimong makadaot sa kinabuhi ug kabtangan.
Photo Courtesy: Electricidad Basica
