Gihatagan og tabang pinansyal sa Kagamhanan sa Dakbayan sa Sugbo ang 213 ka biktima sa sunog gikan sa nagkadaiyang barangay pinaagi sa Department of Social Welfare and Services (DSWS). Gipangulohan ni Cebu City Mayor Nestor Archival ang pag-apod-apod sa ayuda sa Cebu City Sports Institute sa Sawang Calero, uban ni DSWS Head ug mga konsehal.
Gipasalig sa Mayor nga padayon ang paningkamot sa kagamhanan sa pagtabang sa mga pamilyang naapektuhan sa sunog. Giawhag usab niya ang mga benepisyaryo nga gamiton ang ayuda alang sa ilang importanteng panginahanglan.
Ubos sa programa, makadawat og ₱20,000 ang mga tag-iya sa balay, ₱10,000 ang mga nag-abang ug nag-ambit sa puy-anan, ug ₱5,000 ang mga boarder o nagpuyo sa bed space ug mga tag-iya sa balay nga wala nagpuyo niini.
Photo Courtesy: The Cebu City Public Information Office
