Nadakpan sa buy-bust operation sa kapulisan ang usa ka lalaki nga gidudahang high-value individual (HVI) sa illegal nga droga, diin nasakmit ang gibanabanang 210 gramos nga gidudahang shabu nga nagkantidad og ₱1,428,000 sa Barangay Cogon Pardo, Dakbayan sa Sugbo.
Gipahigayon ang operasyon sa Station Drug Enforcement Team sa Police Station 7, ug sa koordinasyon sa Philippine Drug Enforcement Agency Region 7 (PDEA-7).
Giingong nag-atubang ang dinakpan og posibleng kaso tungod sa paglapas sa Sections 5 ug 11, Article II sa Republic Act No. 9165 o Comprehensive Dangerous Drugs Act of 2002.
Narekober sa operasyon ang unom ka pakete sa gidudahang shabu, lakip ang duha ka medium-sized ug upat ka dagkong pakete, ₱15,000 nga buy-bust money ug usa ka itom nga sling bag nga giingong gigamit sa pagdala sa ilegal nga droga.
Sa pagkakaron, anaa na ubos sa kustodiya sa kapulisan ang maong dinakpan.
Photo Courtesy: PNP Cebu City Police Office
