Gipahimangnoan sa Anti-Cybercrime Group Region 10, ubos sa pagpanguna ni PMAJ. Maria Nemelynd C. Encabo, ang mga ginikanan ug komunidad nga hatagan og mas dakong pagtagad ang online activities sa mga kabataan. Kini ang iyang gipahayag atol sa pagbisita sa Juander Radyo Iligan News Team kaniadtong Agosto 25, 2026 sa Kauswagan, Lanao del Norte.
Matod pa niya, adunay mga bata nga tungod sa kakulang sa pagtagad ug pag-monitor sa pamilya ug eskwelahan, mangita og kasaligan nga kaistorya online—apan dili diay sila kaila kung kinsa gyud ang ilang gikaistorya.
Gipasabot niini nga adunay presensya sa mga online groomers nga hinay-hinay nga nagmaniobra ug nag-impluwensya sa mga kabataan aron makahimo og dili maayong mga buhat.
Padayon nga gipanawagan ang mga ginikanan nga kanunay nga makig-istorya, maminaw, ug bantayan ang online interactions sa ilang mga anak aron malikayan nga mahimong biktima sila sa pagpang-abuso o pagpahimulos online.
