Gipahigayon sa munisipyo sa Asuncion ang laing hugna sa Oplan Kaagapay sa Kalinaw ug Kalamboan o Oplan KKK alang sa mga residente sa Barangay Doña Andrea, New Santiago, Sta. Felomina, Canatan ug San Vicente.
Naghatag ang programa og nagkalain-laing libreng serbisyo, lakip ang serbisyong dental, medical check-up, eye check-up ug pagpanagtag sa mga binhi. Giapil usab sa kalihokan ang libreng gupit, masahe, manicure, pedicure ug uban pang serbisyo alang sa mga residente.
Gipasiugda ang Oplan KKK ilawom sa administrasyon ni Governor Edwin Jubahib, nga nagtumong sa pagpalapad sa access sa mga Dabaonon sa batakang serbisyo, ilabi na sa mga komunidad nga nagkinahanglan og dugang nga pagtagad ug suporta.
Gilauman nga magpadayon ang paghatod sa maong mga serbisyo pinaagi sa sunod nga mga hugna sa Oplan KKK sa ubang mga clustered barangay. Samtang gikataho nga ang sunod nga kalihokan ipahigayon sa Municipal Gymnasium sa Asuncion sa umaabot nga mga adlaw.
Photo Courtesy: One DavNor Network
