Gipahamtangan sa Philippine Amusement and Gaming Corp. (PAGCOR) og multa nga ₱1 ka milyon ang usa ka online gaming company tungod sa pagpanghatag og 100 ka yunit sa iPhone 17 nga gihimo sa aktres ug vlogger nga si Ivana Alawi.
Atol sa pagdungog nga gipahigayon sa House Committee on Appropriations niadtong Lunes, Agosto 24, gihisgutan ni Kamanggagawa Party-list Rep. Eli San Fernando ang pipila ka mga content creator nga nag-promote og sugal nga wala nagsunod sa mga regulasyon sa PAGCOR.
Aduna kunoy mga content creator sama ni “Galawang Osas Bata,” nga adunay milyon-milyon nga mga follower nga wala naglakip og mga pahimangno sa ilang mga promosyon nga nag-ingon nga ang sugal makapakaadik.
Kahinumdoman nga ang pagpahigayon ni Ivana og giveaway sa usa ka iPhone 17 nakakuha og nagkasagol nga reaksyon gikan sa mga netizen; apan, ang maong video dili na makita sa iyang Facebook page. Samtang, bahin sa mga content creator sama ni “Galawang Osas Bata,” gikatahong lakip sila sa 50% nga walay lisensya gikan sa PAGCOR.
Tungod niini, giklaro ni Tengco nga wala silay hurisdiksyon sa mga operator niining mga kalihokan sa online gaming. Matod niya, ang bugtong paagi nga ilang mahimo mao ang pagpakig-alayon sa mga ahensya sama sa Department of Information and Communications Technology (DICT) ug sa Cybercrime Investigation and Coordinating Center (CICC) aron pasakaan sila og kaso sa korte.
Photo Courtesy:IgamingToday.com
