Gilauman nga mabaligya sa kantidad nga $10 milyon ang iconic nga puti nga mesh jersey nga adunay numero 23 nga gisul-ob sa NBA star nga si Michael Jordan.
Kini nga jersey mao ang iyang gipang-apil sa Game 3 sa iyang sikat ug legendary nga 1998 NBA Finals. Kini nga season nailhan usab nga katapusang bahin sa iyang karera sa Chicago Bulls, sumala sa sikat nga dokumentaryo nga “The Last Dance.”
Ang maong jersey giisip nga usa ka talagsaon nga piraso sa sports memorabilia tungod kay kini lamang ang game-winning jersey gikan sa 1998 Finals nga ipagawas ug mabaligya sa publiko.
Ang maong talagsaong koleksyon ipailalom sa usa ka online auction nga giulohan og “Driven to Greatness.” Ang maong subasta gikatakdang modagan sugod karong Septyembre 15 hangtod Septyembre 29.
Photo Courtesy: CNBC
