Usa ka kite enthusiast ang nakarekord og bag-ong Guinness World Record human niyang mapabiling naglupad ang iyang tabanog sulod sa 26 ka oras, 15 minutos ug 15 segundos. Si Angus Johnstone nga taga-Kyneton, Australia, nakab-ot ang rekord alang sa “longest kite flight by an individual” atol sa iyang record attempt sa Killarney, Victoria.
Gigamit niya ang asul ug lila nga tabanog isip kabahin usab sa usa ka fundraising campaign alang sa mga panginahanglanon sa panglawas ug edukasyon sa Myanmar. Nagsugod siya sa pagpalupad sa buntag sa Marso 14 ug nahuman sa misunod nga adlaw.
Dili sayon ang maong hagit tungod kay kinahanglan niyang pangitaon ang lugar nga adunay padayon nga hangin, kanunay nga bantayan ug kontrolon ang tabanog, ug magpabiling nagmata sulod sa kapin usa ka adlaw.
Aron masiguro ang validity sa rekord, gibantayan ang iyang record attempt sa 10 ka opisyal nga observers ug duha ka timekeepers. Human makompleto ang kapin 26 ka oras nga hagit, gisugat si Johnstone sa pagdayeg ug pakpak gikan sa iyang mga supporters.
Photo Courtesy: Guinness World Record
