Ginpatigayon ang programa nga “Bagong Angat Isulan Serbisyo sa Katawhan” sa Barangay Sampao, Isulan, Sultan Kudarat sang Agosto 25, 2026, kun sa diin nagahatag sa mga pumuluyo sang nagkalain-lain nga serbisyo sang gobyerno kag pribado nga sektor.
Sa pagpanguna ni Isulan Mayor Bai Rihan Sakaluran, naghiusa ang Lokal nga Panguluhan sang Isulan, mga opisyal sang Barangay Sampao, nagkalain-lain nga ahensya sang gobyerno, kag mga pribado nga kompanya sa paghatag sang libre nga serbisyo sa komunidad.
Lakip sa mga serbisyo nga ginpaabot sa mga pumuluyo ang medical consultation kag iban pa nga bulig para sa panglawas kag pangabuhian.
Ginpahayag nga paagi sa amo nga programa, mas madali nga ma-access sang mga Isulanon ang importante nga serbisyo nga kinahanglan nila, ilabi na ang mga pumuluyo nga may limitado nga kahigayunan nga makakadto sa mga opisina sang gobyerno.
Padayon man nga ginpalig-on sang inisyatibo ang pagbinuligay sang lokal nga panguluhan, mga ahensya sang gobyerno, pribado nga sektor, kag komunidad para sa pagpauswag sang serbisyo publiko sa Isulan.
Photo Courtesy: Municipality of Isulan- Bagong Isulan
