Nagpatigayon ang Department of Trade and Industry o DTI Sultan Kudarat, pinaagi sa Negosyo Center Isulan, sang “ISULAN MONEYWISE MSMEs: Mastering Financial Control for Sustainable Growth” sang Agosto 24, 2026 sa Negosyo Center Isulan Training Room.
Kabahin sa nasambit nga aktibidad ang 25 ka benepisyaryo sang Bagong Angat Isulan Additional Puhunan Program, partikular ang mga naga-operate sang sari-sari store kag NegoKart.
Tinutuyo sang training nga mapabakod ang financial literacy sang mga microentrepreneurs kag mahatagan sila sang praktikal nga ihibalo sa pagdumala sang ila negosyo.
Yara man sa diskusyon ang husto nga pagdumala sang kwarta sang negosyo, pag-monitor sang kita kag mga gasto, paghimo sang budget, kag paghimo sang husto nga desisyon sa pinansyal nga bahin.
Ginpahayag man sa aktibidad ang nagkalain-lain nga programa kag financing opportunities sang Small Business Corporation ukon SB Corporation nga mahimo magbulig sa pagpalapad kag pagpadayon sang mga negosyo.
Paagi sa amo nga inisyatibo, ginapalig-on sang DTI ang kapasidad sang mga MSMEs nga mangin mas responsable sa pinansyal nga pagdumala kag mas preparado sa mga hagit sa pagnegosyo.
Photo Courtesy: DTI Sultan Kudarat
