Nakapagkit ang Police Regional Office 12 sang nagkalain-lain nga operasyon kag pagdakop sa sulod sang 24 oras, halin alas 6 sang aga sang Agosto 24 tubtob alas 5:59 sang aga sang Agosto 25, 2026.
Sa kampanya kontra illegal nga droga, anom ka operasyon ang ginpatigayon nga nagresulta sa pagka-dakop sang lima ka persona kag pagka-kumpiska sang 38.05 gramos nga iligal nga droga, nga nagabalor sang P258,740.00.
Sa kampanya kontra smuggling, 14 ka operasyon ang ginpatigayon kag isa ka persona ang naaresto, samtang nagabalor sang masobra P7,615.00 ang nakumpiska.
Samtang, duha ka Top 10 Most Wanted Persons kag dose ka iban pa nga wanted persons ang nadakop sa nagkalain-lain nga operasyon.
Tatlo ka kumpiskado nga armas-luthang ang narekober, samtang isa ka persona ang nagsurrender sang iya armas.
Nagpatigayon man ang kapulisan sang operasyon kontra illegal logging kag illegal gambling, nga nagresulta sa pagka-kumpiska sang mga kagamitan kag kuwarta. Sa implementasyon sang lokal nga ordinansa, 964 ka violators ang napagkit, kun sa diin 287 ang ginhatagan sang multa kag 677 ang ginpaandaman.
Padayon ang PRO-12 sa pagpalig-on sang mga operasyon batok sa nagkalain-lain nga paglapas sa kasuguan sa rehiyon.
