Dose na ka indibidwal ang namatay ug 309 ang samaran sa pag-atake sa King Khalid International Airport sa Riyadh, Saudi Arabia. Lakip sa mga namatay ang mga lungsoranon sa Saudi Arabia, Bangladesh, Estados Unidos, Ehipto, Jordan, Syria, Palestine ug Sudan.
Gituohan sa Saudi-led coalition ang mga rebeldeng Houthi sa Yemen rsposnsable sa maong pag-atake, nga giingong gihimo pinaagi sa missile, ug gihulagway kini sa koalisyon isip grabeng paglapas sa balaod sa gubat. Gipahayag usab sa koalisyon nga motubag kini sa maong pag-atake.
Miabot ang insidente taliwala sa nagkagrabeng panagbangi human naguba ang ceasefire tali sa mga Houthi ug sa gobyerno sa Yemen nga gisuportahan sa Riyadh. Tungod niini, misaka ang kabalaka nga mahimong molapad pa ang panagbangi, ilabina human ipahibalo ni US President Donald Trump ang posibilidad sa pag-apil sa Estados Unidos sa aksiyong militar.
Gipalihok usab sa mga opisyal sa panglawas ang dugang nga mga doktor aron motabang sa pag-atiman sa mga samaran.
Photo Courtesy: Instagram
