Gipahigayon sa Lokal nga Panggamhanan sa Santo Tomas probinsya sa Davao del Norte ang pagpaayo ug pagmentinar sa kadalanan partikular sa Purok 6A Feeder Road 2 hangtod Purok 9 Feeder Road 3, sa Barangay Tibal-og, niadtong Oktubre 9, 2026.
Kabahin ang maong kalihokan sa padayon nga paningkamot sa LGU Santo Tomas, ubos sa pagpangulo ni Mayor Roland S. Dejesica, aron mapalambo ang kahimtang sa mga kadalanan sa lungsod ug masiguro ang kaluwasan sa mga molupyo ug mga nagagamit niini.
Gipatuman ang maong proyekto pinaagi sa Municipal Engineering Office ubos sa pagdumala ni Municipal Engineer Regene Quiñones.
Samtang pinaagi sa maong pag-ayo ug pagmentinar, gilaoman nga mas mapalambo pa ang pagbiyahe ug pag-agi sa mga residente, ingon man ang kaluwasan ug kahapsay sa transportasyon sa maong lugar.
Photo Courtesy: Santo Tomas Information Office
