Gipahigayon ang Barangay Health Caravan 2026 sa Barangay New Balamban, Tagum City, niadtong milabay’ng adlaw isip kabahin sa mga paningkamot sa pagpalambo sa kahimsog sa mga residente.
Sumala pa nga ang maong kalihokan nagsugod gikan alas 8:00 sa buntag hangtod alas 12:00 sa udto sa Barangay New Balamban Gym, ubos sa temang “Mag-uban sa Maayong Panglawas Para sa Mas Healthy Tagum.”
Tumong sa maong kalihokan ang pagdasig sa mga residente nga hatagan og prayoridad ang ilang panglawas ug mosalmot sa mga programa nga nagtumong sa pagpalambo sa kaayohan sa komunidad.
Pinaagi sa mga inisyatiba sama niini, padayon nga gidasig ang mga Tagumenyo nga magtinabangay aron mapalambo ang kahimsog ug makab-ot ang tumong nga mas himsog nga komunidad ning dakbayan sa Tagum.
Photo Courtesy: CHO Tagum
