Nangayo karon og tabang ang Santo Tomas Municipal Police Station (MPS) sa publiko aron mailhan ug makit-an ang pamilya ni Tatay Donato Alderite, nga gikustodiya karon sa nasangpit nga estasyon sa kapulisan alang sa iyang kaluwasan.
Base sa pahibalo sa Santo Tomas PNP, Davao del Norte, si Tatay Donato giingong taga-Monkayo, Davao de Oro, apan wala na siya makahinumdom kung asa gyud siya nagpuyo ug kinsa ang iyang mga kapamilya.
Tungod niini, nanawagan ang kapulisan sa publiko nga nakaila kang Tatay Donato o adunay impormasyon bahin sa iyang pamilya nga makigkontak kanila aron matabangan siyang makabalik sa iyang mga paryente.
Mahimong motawag o mo-text sa Santo Tomas MPS pinaagi sa 0967-703-9787 o 0907-208-5978. Mahimo usab nga moagi sa opisyal nga Facebook page sa PNP DavNor Santo Tomas.
Giawhag usab ang publiko nga ipaambit ang maong pahibalo aron mas mapadali ang pagpangita sa iyang pamilya ug masiguro ang iyang kaluwasan.
Photo Courtesy: PNP DavNor Santo Tomas
