Ginapabaskog sang kapulisan sang Tacurong City Police Station sa pagpanguna ni PLTCOL NESTOR M. MADERSE, Officer-in-Charge, ang Safer Cities Initiative, nga nagtinguha nga mapabaskog ang seguridad kag kaayuhan sa mga komunidad pinaagi sa mas epektibo nga pagpatuman sang mga lokal nga ordinansa.
Nagapanguna sa ginatudlo sang inisyatibo ang importansya sang disiplina, bangud ang pagmintinar sang katawhay kag kaayuhan nga isa ka kolektibo nga responsibilidad sang gobyerno kag sang mga pumuluyo.
Pinaaagi sa Safer Cities Initiative, ginapangabay ang kooperasyon sang publiko sa pagsunod sa mga lokal nga ordinansa kag iban pa nga kasuguan nga nagabulig sa pagmintinar sang kalinong sa komunidad.
Samtang, ginpasalig sang kapulisan nga ang pagpatuman sang balaod pagahimuon sa husto nga pamaagi kag may pagtahod sa mga kinamatarong sang tagsa ka Pilipino.
Ginahangyo man ang mga pumuluyo nga magbuligay sa kapulisan pinaagi sa pagreport sang mga paglapas kag pagbulig sa pagmintinar sang seguridad sa ila tagsa ka komunidad.
Paagi sa disiplina, kooperasyon kag responsableng pagpatuman sang ordinansa, ginatinguhaan sang Safer Cities Initiative nga mangin mas luwas kag mas hapsay ang mga komunidad para sa tanan.
Photo Courtesy: PNP Tacurong City Police Station
