Balhog sa prisohan ang usa ka suspek nga giila nga si alyas “TAY” human madakpan sa hiniusang buy-bust operation sa Sitio Lawis, Barangay Bato, Sta. Cruz, Davao del Sur, niadtong Oktubre 11, 2026.
Gipahigayon ang operasyon sa Sta. Cruz Police Station, kauban ang PDEA-11 ug nagkalain-laing yunit sa kapulisan, pasado alas otso sa gabii. Nasakmit ang 13 ka sachet sa gituohang shabu nga adunay gibug-aton nga 4.5 gramos ug kantidad nga 30,600 pesos.
Samtang, gipadayon sa Sta. Cruz Municipal Police Station, ubos sa pagpanguna ni PLTCOL George Sali-em Jr., ang kampanya batok sa ilegal nga droga.
Sa pikas nga bahin, atubangon sa suspek ang kasong paglapas sa Republic Act 9165 o Comprehensive Dangerous Drugs Act of 2002.
Photo courtesy: Tropang Tv/facebook
