Napalpak ang usa ka lalaki nga nag-palusot sa drogang shabu human kining nadakpan sa hiniusang pwersa sa kapulisan sa pagpanguna sa Provincial Drug Enforcement Unit (PDEU), Provincial Intelligence Unit (PIU), Balo-i Municipal Police Station (MPS) ubos sa Lanao del Norte Police Provincial Office (LDN PPO), ug Philippine Drug Enforcement Agency Regional Office 10 (PDEA RO 10) Iligan-Lanao del Norte atol sa gikasang buy-bust operation sa may mga alas 10:58 sa gabii niadtong Oktubre 10, 2026 sa Purok 8, Barangay Maria Cristina, Balo-i, Lanao del Norte.
Giila ang suspek nga si alyas “Boni,” 35 anyos, minyo, residente sa Purok 1, Barangay Maria Cristina, Balo-i, ug nalista isip usa ka Street-Level Individual (SLI).
Subay sa report, nga atol sa operasyon, nakumpiska gikan sa nahimutangan sa suspek ang pito (7) ka pakete sa gituohang shabu nga nitimbang og 25.99 gramo nga nagkantidad og ₱176,732.00. Narekober usab ang usa 91) ka gamay nga itom nga pouch ug usa ka ₱500 nga papel nga kuwarta nga gigamit isip buy-bust money.
Sa pagkakaron, ang mga nakumpiskang gidudahang ilegal nga droga gidala ngadto sa Iligan City Forensic Unit alang sa qualitative ug quantitative examinations samtang ang nadakpang suspek anaa sa kustodiya sa Balo-i MPS alang sa dokumentasyon ug tukmang disposisyon.
Photo Courtesy: PNP Lanao del Norte
