Nasikop ang usa ka 20-anyos nga lalaki nga giila isip Street-Level Individual (SLI) tungod sa pagpamilgya sa drogang shabu sa hiniusang operasyon sa kapulisan sa pagpanguna sa Kapatagan Municipal Police Station (MPS), kauban ang 2nd Provincial Mobile Force Company (PMFC), Provincial Intelligence Unit (PIU) sa Lanao del Norte Police Provincial Office (LDN PPO), ug 1005th Maneuver Company sa Regional Mobile Force Battalion 10 (RMFB 10) sa may alas 10:15 sa gabii niadtong Oktubre 10, 2026 sa Purok 2, Barangay Balili, Kapatagan, Lanao del Norte.
Giila ang suspek nga si alyas “Pidoy,” 20 anyos, ulitawo, ug residente sa maong barangay. Subay sa report, nasakmit gikan sa nahimutangan sa suspek ang unom (6) ka pakete sa gituohang shabu nga nitimbang sa 1.08 gramo nga nagkantidad og 7,344.
Lakip nga nakumspiska ang usa (1) ka transparent plastic cellophane, usa ka orange nga disposable lighter, usa ka brown nga sensilyo; ug tulo (3) ka ₱100 nga papel nga kuwarta nga gigamit isip buy-bust money.
Sa pagkakaron, ang mga nakumpiskang gidudahang ilegal nga droga gidala ngadto sa Lanao del Norte Provincial Forensic Unit alang sa qualitative ug quantitative examination, samtang, ang nadakpang suspek anaa karon sa kustodiya sa Kapatagan Municipal Police Station alang sa dokumentasyon ug tukmang disposisyon.
Photo Courtesy: PNP Lanao del Norte
