Nadakpan ang usa ka lalaki nga namaligya sa drogang shabu atol sa gipatuman nga warrant of arrest sa hiniusang pwersa sa kapulisan sa pagpanguna sa Sultan Naga Dimaporo Municipal Police Station (MPS), kauban ang 2nd Provincial Mobile Force Company (PMFC), Provincial Intelligence Unit (PIU) of LDN PPO, ug Regional Mobile Force Battalion 10 (RMFB 10), sa may alas 11:55 sa gabie niadtong Oktubre 10, 2026 sa Purok 4, Barangay Pandanan, Sultan Naga Dimaporo, Lanao del Norte.
Giila ang suspek nga si alias “Ope,” 39 anyos, minyo ug residente sa nasangpit nga Barangay ug nalista isip Street-Level Individual (SLI).
Subay sa report, ang suspek nalutsan sa warrant of arrest nga gi-isyu ni Judge Jihan Gift C. Gonzaga-Morong of the Regional Trial Court (RTC), Branch 21, Kapatagan, Lanao del Norte, pinetsahan niadtong October 7, 2026.
Atol sa pagpatuman sa warrant of arrest nakumpiska gikan sa nahimutangan sa suspek ang unom (6) ka pakete sa gituohang shabu nga nitimbang og usa (1) ka gramo nga nagkantidad og 6,800.
Sa laing bahin, nakumpsika usab ang usa (1) ka broken test tube, usa ka green lighter, usa ka itom nga coin purse, usa (1) ka ₱100 bill, usa (1) ka ₱50 bill, ug duha (2) 1 coins.
Sa pagkakaron, ang mga nakumpiskang droga gidala sa Lanao del Norte Provincial Forensic Unit for qualitative and quantitative examinations, samtang ang suspek nakakustudiya sa Sultan Naga Dimaporo MPS alang sa dokumentasyon ug disposasyon.
Photo Courtesy: PNP Lanao del Norte
