Nadakapan ang usa ka Top 1 Most Wanted Person tungod sa pagpanag-iya og illegal nga droga sa hiniusang pwersa sa kapulisan sa pagpanguna sa 1st Provincial Mobile Force Company (PMFC), kauban ang 2nd PMFC, Provincial Intelligence Unit (PIU), Kauswagan Municipal Police Station (MPS), Linamon MPS sa Lanao del Norte Police Provincial Office (LDN PPO), Lanao del Norte Maritime Police Station (MARPSTA), ug ang 1005th Maneuver Company sa Regional Mobile Force Battalion 10 (RMFB 10 sa may alas 8:55 sa buntag sa Purok 2, Barangay Bagumbayan, Kauswagan, Lanao del Norte.
Giila ang suspek nga si alyas “Tibor,” 46 anyos, adunay live-in partner, ug residente sa Purok 8, Barangay Samburon, Linamon, sakop ning probinsya ug nalista isip numero uno o Top 1 Municipal Most Wanted Person.
Subay sa report, gidakop ang suspek pinasikad sa warrant of arrest nga giisyu ni Judge Mylene Amerol Macumbal sa Regional Trial Court (RTC), Branch 3, sa ika-10 nga Judicial Region sa Iligan City may kalabotan sa Criminal Case No. 26-33401, nga gipetsahan niadtong Setyembre 16, 2026, tungod sa giingong paglapas sa Section 11, Article II sa Republic Act No. 9165 o illegal drugs nga walay piyansa nga girekomenda sa korte alang sa maong kaso.
Sa pagkakaron, gidala ang suspek sa kustodiya sa Linamon MPS alang sa tukmang dokumentasyon.
Photo Courtesy: PNP Lanao del Norte
