Human sa kapin usa ka tuig nga biyahe sakay sa usa ka bisikleta gikan sa France padulong sa lungsod sa Samboan sakop sa Cebu, giabiabi si Adam pinaagi sa usa ka hero’s welcome isip pag-ila sa iyang talagsaong byahi.
Si Adam gisugat sab sa usa ka babaye nga ginganlan ug Sophia usa ka Pinay niya nga nobya nga pinaka-excited sa iyang pag-abot, nga nahimong dakong inspirasyon sa cyclist aron ipadayon ug mahuman ang iyang gitawag nga “Long Way Home.”
Kapin usa ka tuig nga biyahe ang giagian ni Adam, diin iyang gisubay ang taas ug hago nga rota gikan sa France padulong sa Pilipinas gamit lamang ang iyang bisikleta.
Dili sayon ang maong panaw, apan bisan pa sa kakapoy, kalisod, ug mga hagit nga iyang nasinati sa dalan, mipadayon si Adam hangtod nga nakaabot siya sa iyang kataposang destinasyon diin didto usab nagpaabot ang iyang hinigugma.
Para kang Adam, dili lang ang pag-abot sa Cebu ang iyang dakong kalampusan, kundili ang higayon usab nga makita pag-usab ang babaye nga nagsilbing inspirasyon niya sa tibuok panaw sa iyang pag byahi.
Human sa ilang panagkita gihimo dayon nila ang makasaysayanong reunion sa finish line, ang “Long Way Home” ni Adam apan basin mao pa lamang kini ang sinugdanan sa ilang sunod nga istorya uban sa iyang hinigugma.
Photo Courtesy: CEBU HAPPENINGS
