Gitangtang na sa US ang Syria sa listahan sa state sponsors of terrorism human sa 47 ka tuig. Matud ni US Secretary Of State Marco Rubio nga ang lakang gihimo isip pag-ila sa gobyerno sa Syria sa mudistansiya sa bisan unsang mga lakang sa terorismo.
Lakip na usab sa gitangtang sa listahan sa US global terrorist organization ang Hayat Tahrir al-Sham (HTS). Ang HTS o kanhing naila nga al-Nusra Front nga affiliate sa al-Qaeda sa Syria hangtod Sharaa ang may kalabutan sa jihadist network niadtong 2016.
Giila usab sa Trump administration ang lakang sa bag-ong pangulo sa Syria nga si Ahmed al-Sharaa nga pakigbatokan ang terorismo. Nagtuo si US Treasury Secretary Scott Bessent nga ang nasangpit nga lakang makatabang aron mapalambo ang ekonomiya sa Syria.
Photo Courtesy: THE DEFENSE NEWS
