Patay ang usa usa ka Police Commissioned Officer lakip ang duha ka mga suspetsado atol sa police operation batok sa illegal nga pagpanag-iya ug pagbaligya sa loose firearms mga alas-12:15 sa kaadlawon, Agosto 23, 2026 sa Purok Malipayon, Barangay Dao, Pagadian City.
Sumala sa inisyal nga impormasyon, nakabantay ang mga suspetsado sa presensya sa mga operatiba ug giingong nagpabuto, hinungdan nga misunod ang pagbinayluay ug mga bali tali sa kapulisan ug mga suspetsado.
Tungod niini, naka-angkon ug samad pinusilan ang usa pulis nga naila nga si PMAJ Aiman Khuzaimah P. Pantaran,samtang ang mga suspetsado nga napatay giila usab nga sila Jhonny Bravo Gomez ug Jerry Bravo Gomez.
Gisulayan pa ug dala sa pinakaduol nga tambalanan ang maong police officer apan gideklara sa miatimang doctor ang biktima nga dead on arrival samtang ang duha usab ka suspetsado nga naigo og mga bala gideklara usab nga patay sa lugar diin gilusad ang operasyon.
Gipaabot sa Zamboanga del Sur Police Provincial Office ang ilang pahasubo ngadto sa pamilya, mga minahal sa namatay nga police officer, nga ilang gihulagway nga nagpakita og kaisog, dedikasyon ug sakripisyo sa pagtuman sa katungdanan.
Susama nga pahasubo ang gipaabot sa ZSPPO ngadto sa pamilya sa duha ka mga suspetsado nga namatay usab sa maong insidente, diin padayon ang paglusad ug imbestigasyon ug forensic examination sa kapulisan aron matino ang tinuod nga nahitabo.
Samtang, gipasalig usab sa Zamboanga del Sur Police Provincial Office nga magpadayon kini sa pagpatuman sa mga operasyon sa legal nga paagi aron mahatag ang angayng hustisya para sa mga nagbangutang pamilya.
Photo Courtesy: ZSPPO
