Gipakusgan sa Department of Agriculture (DA) ang kampanya batok sa peke, wala marehistro, adulterated ug ilegal nga mga farm inputs, ilabina ang mga abono. Kini human gimandoan ni Agriculture Secretary Francisco Tiu Laurel Jr. ang Fertilizer and Pesticide Authority (FPA) nga palapdan ang pagmonitor sa merkado.
Lakip niini ang online marketplaces ug mga physical stores, aron masubay ang mga nagproduce ug namaligya og ilegal nga agricultural inputs. Bag-o lang, 778 ka sako sa abono ang nasakmit sa operasyon sa Nueva Ecija, nga gibanabanang mokabat sa hapit P750,000 ang kantidad.
Nag-isyu usab ang FPA og stop sale, stop use, stop movement ug hold orders batok sa mga produkto samtang nagpadayon ang imbestigasyon ug legal nga proseso.
Nagpahimangno usab ang DA nga ang paggamit sa peke o substandard nga abono mahimong mosayang sa puhunan sa mga mag-uuma ug makapakunhod sa ilang ani.
Photo Courtesy:Linkedln
