Nagsugod na og ensayo sa New York si Filipina tennis star Alex Eala isip pagpangandam alang sa umaabot nga US Open. Nakita si Eala nga nagbansay sa Arthur Ashe Stadium, ang pinakadakong tennis stadium sa kalibotan, mga usa ka semana sa wala pa magsugod ang main draw sa tournament.
Ang 21-anyos nga Pinay anaa na sa ika-20 sa world rankings, ug gilauman nga mosaka pa sa No. 18 base sa WTA live rankings. Gilauman usab nga mahimong seeded player si Eala sa US Open.
Sa miaging US Open, nakuha ni Eala ang iyang unang Grand Slam main-draw win human niya gipildi si Clara Tauson. Samtang niadtong 2022 US Open, nahimo siyang unang Filipina nga nakadaog og junior Grand Slam singles title.
Photo Courtesy: TieBreaker Times
