Nakabuhat pag-usab sa Guinness World Records ang usa ka hardinero human niya mapatubo ang pinakataas nga talong sa kalibutan nga adunay gitas-on nga 54.3 sentimetros.
Si Erik Gunstrom, nga nailhan usab isip “Eggplant Erik,” nakab-ot ang rekord gamit ang Thai Long Green variety, nga kasagarang motubo lamang og 20 ngadto sa 30 sentimetros. Tungod niini, hapit doble ang gidak-on sa iyang napadako nga talong kumpara sa kasagarang sukod niini.
Dili kini unang higayon nga nakasulod si Gunstrom sa Guinness World Records. Niadtong Agosto 2025, iyang nakuha ang rekord alang sa pinakabug-at nga talong nga mitimbang og 3.9 ka kilo, apan nalabwan kini paglabay lamang sa tulo ka semana sa usa ka grower gikan sa Switzerland nga nakapatubo og 5.078-kilogram nga talong.
Imbis nga mohunong human mapildi ang iyang rekord, gihimo kini ni Gunstrom nga inspirasyon aron mosulay pag-usab. Sa 2026, iyang gipunting ang rekord alang sa pinakataas nga talong ug malampuson niya kining nakab-ot.
Aron mapadako ang tanom, migamit siya og organikong pagpauswag sa yuta, greenhouse cultivation ug maampingong pag-atiman
Photo Courtesy:Guinness World Records
