Posibleng mosaka og hangtod P2.25 kada litro ang presyo sa mga produktong petrolyo sa Pilipinas sunod semana tungod sa pagsaka sa presyo sa krudo sa internasyonal nga merkado. Matod sa department of Energy (DOE) mosaka og P1.75 hangtod P2.25 kada litro ang diesel, samtang P1 hangtod P1.50 kada litro ang gasolina.
Dugang pa sa DOE, giingong hinungdan sa pagsaka sa presyo ang nagpadayong tensiyon sa Middle East, lakip ang epekto niini sa suplay sa lana nga moagi sa Strait of Hormuz.
Sa pagkakaron, gikabalaka ang suplay gikan sa Russia ug ang pagkabalda sa operasyon sa mga refinery, nga nakaapekto sa global nga suplay sa mga produktong petrolyo.
Photo Courtesy: stockwirex
