Nakapukaw og atensyon sa mga Pinoy netizens ang pagpakita ni kanhi presidential chief legal counsel Atty. Salvador Panelo isip usa sa mga hurado sa bag-ohay lang nga Miss Universe Pakistan 2026 coronation night.
Gi-stream ang nasangpit nga national pageant sa YouTube niadtong Agosto 18 ug 19 diin si Panelo, nga kanhi spokesperson ni kanhi Presidente Rodrigo Duterte, naapil sa judging panel sa maong kompetisyon.
Atol sa question-and-answer portion, gipangutana ni Panelo ang usa sa mga kandidata kung unsang pagtuo ang iyang gibarugan bisan pa sa pagsupak o dili pagsinabtanay sa daghang tawo.
Samtang, daghang Pinoy netizens ang nagpahayag usab sa ilang mga pangutana, ilabi na kung unsa ang background ni Panelo sa pageantry ug nganong naapil siya isip usa sa mga hurado sa Miss Universe Pakistan 2026.
Photo Courtesy: Instagram
