Miubos og gamay ang headline inflation o pagtaas sa presyo sa mga palaliton ug serbisyo sa Surigao del Norte niadtong Hulyo 2026. Base sa datos, mikanaog ngadto sa 7.7 porsyento ang inflation rate sa probinsya niadtong Hulyo, kumpara sa 7.8 porsyento nga natala niadtong Hunyo.
Bisan og gamay lamang ang pagkunhod, nagpasabot kini nga medyo nihupay ang dagan sa pagsaka sa presyo sa mga palaliton ug serbisyo sa probinsya. Apan, nagpabiling importante alang sa mga konsumidor ang maampingong paggasto, ilabina sa mga nag-unang panginahanglanon sama sa pagkaon, transportasyon ug uban pang serbisyo.
Ang inflation rate usa sa mga timailhan nga gigamit sa pagsukod kung unsa kadako ang kausaban sa presyo sa mga palaliton ug serbisyo sulod sa usa ka panahon.
Photo Courtesy: PSA Surigao del Norte
