Mopasaka og ipatuman sa Canada ang retaliatory tariffs o balos nga taripa batok sa mga produkto gikan sa Estados Unidos sugod Septiyembre 8, subay sa bag-ong mga buhis sa importasyon nga gipahamtang sa administrasyon ni U.S. President Donald Trump.
Matud ni Canadian Prime Minister Mark Carney, ang maong lakang mahimong mosaka ang gasto ug makapakunhod sa mga kapilian sa mga konsumante sa Canada.
Apan sumala kang Carney, nagtuo ang gobyerno sa Canada nga anaa sa ilang nasudnong interes ang pagbalos sa mga taripa, tungod kay ilang gisalikway ang usa ka trade deal nga ilang giisip nga dili maayo alang sa Canada.
Gipahayag usab sa Canadian Prime Minister nga magpokus ang gobyerno sa mga butang nga ilang makontrol, samtang padayon nilang panalipdan ang mga trabahante, negosyo ug nasudnong interes sa Canada taliwala sa nagkagrabeng tensiyon sa patigayon tali sa Canada ug Estados Unidos.
Photo Courtesy: NTD News
