Mikaylap na sa ikaunom nga probinsya sa Democratic Republic of the Congo (DRC) ang epidemya sa Ebola, nga nagpadako sa kabalaka nga posible kining makaabot sa kapital nga Kinshasa, diin nagpuyo ang kapin 19 milyon ka tawo.
Andam na ang mga pasilidad sa Kinshasa alang sa pag-isolate sa mga pasyente kung adunay makumpirmang kaso. Matod sa mga health authorities, andam usab ang mga laboratoryo sa paspas nga pag-ila ug pagkumpirma sa mga kaso.
Ang outbreak giila nga usa ka talagsaong Bundibugyo strain sa Ebola, diin wala pa’y aprubadong bakuna o espesipikong tambal. Kapin 2,000 na ang namatay ug sobra na sa 4,300 ka kaso ang natala, samtang gilauman sa WHO nga mosamot pa ang outbreak sulod sa unom ka bulan.
Nadugangan ang kabalaka human usa ka pasahero nga adunay mga sintomas sa Ebola miabot sa Maluku, mga 65 kilometro gikan sa Kinshasa. Bisan negatibo ang mga resulta sa pagsusi sa kapin 200 ka pasahero, nagpabilin ang risgo tungod sa kanunay nga paglihok sa mga tawo tali sa mga probinsya.
Photo courtesy: The Hindu
